برازیل کے مارشل آرٹس کے لیجنڈ کھلاڑی رائس گریسی نے ممتاز عالم دین شیخ عثمان سے گفتگو ودلائل سننے کے بعد کلمہ شہادت پڑھ کر اسلام قبول کرلیا۔’دین شو‘ کے نام سے امریکہ میں 2006 سے یہ چینل اسلام کے فروغ کے لیے کام کر رہا ہے۔حالیہ ریکارڈنگ میں میزبان ایڈی نے رائس کے ساتھ شیخ عثمان کو بھی دعوت دی۔ رائس نے گھنٹہ بھر کی نشر ہونے والی ریکارڈنگ میں غزہ سے متعلق صورتحال پر ، اسلام کی بنیادی تعلیمات پر اپنے خوب سوالات کیے جن کا عالم دین نے شافی جواب دیا۔ پروگرا م کے آخر میں مہمان نے دلی اطمینان ظاہر کرکے کلمہ شہادت پڑھا اور مبارک باد قبول کی۔نومسلم مہمان نے مکہ جانے کی بھی خواہش کا اظہار کیا ۔ 10دن قبل مہمان کھلاڑی نے اپنے انسٹا گرام پر یہودیوں اور اسرائیل کی حمایت میں طویل پوسٹ لگائی تھی جس پر اُس کو مخالف رد عمل کاسامنا کرنا پڑا ۔ یہاں سے اس کے ذہن میں کئی سوالات نے جنم لیا جن کے جوابات پروگرام میں عالم دین نے اچھے انداز سے دیئے اور فلسطینیوں پر مظالم کا حقیقی چہرہ دکھایا ۔